| 好耐無上黎睇過了, 今日竟然有時間係屋企上網... 經過07/08無乜運動的賽季(只參加了團體挑戰, 而狀態亦不佳), 今季(08/09)決心要做多d運動, 所以夏天開始多左打波同練跑(多謝成日捉我去打波的partner), 08年亦都參加了幾個賽事(7月的東區跑, 11月的nike10公里, 12月的團體挑戰-仲失驚無神拎左個第三 :p), 而重點其實係渣打馬拉松同山頭霸王的復出... 但人算不如天算, 渣打馬拉松的前三日, 竟然因為打波"拗柴"而被迫退出, 而山頭霸王就在一個月之後... 經過三個禮拜的努力休養同悉心照料, 剛好趕及二月尾的Rogaine, 8小時的小試牛刀, 我有信心可以係山頭霸王復出。 但又一個竟然, 其中一位隊員病倒了不能參加(我從05年開始每一年參加山頭霸王都有不同的隊員, 只有他是每一年都跟我同隊, 亦是他最初推介我玩這活動的), 剩下我跟兩位比我年輕得多的隊員, 最年輕的那位係90年代出生的呀~~ 後生可畏呀~~ 第一天都還可以, 果然係玩馬鞍山... 跟著fit到漏的隊員一起, 步速也不算慢, 還有因為潮濕大霧的關係, 我們都不太願意放下背囊在濕漉漉的地上休息... 我們可以係天黑之前到達營地起營煮食, 係呢個超靚超舒服既營地(無expect過咁靚), 未夠8點鐘就已經食完準備訓覺, 之前都未試過, 可以休息充足準備迎接第二天的挑戰... 第二天未夠五點已經被其他營的人吵醒了... 可能係地點的關係, 第二天比第一天還要大霧, 400米以上的地方能見度極差, 過了第二個check point 竟然開始膝頭痛(係團體挑戰得第三的後遺症)... 平路上山還可以, 落山就... 更晴天霹靂的是下一個check point 係草山頂, 意味住上完要落啦... (邊個話草山好容易架 -__- ) 但到了這裡, 還有一兩個check point 便到終點, 而且這是今季的最後一個比賽, 沒理由放棄的, 況且退出了還是要落山, 只好咬緊牙關向前行... 到了山頂, 惡夢開始, 望住前面隊員落山仲可以跑到落, 我只能拿著手杖輕嘆, 同講句"山下等"... 好不容易才"碌"到落山, 終於完成, 膝頭的傷勢都沒比團體挑戰時嚴重... 今季的比賽已經完滿結束, 同自己講句"well done"~~ 
一路行一路係度諗, 究竟山頭霸王有咩吸引之處呢, 使我從2005年開始到而家, 除左08年之外每一年都堅持參加呢? 一般人可能會諗, 星期六日放假休息一下唔好咩, 點解要咁辛苦? 上山上到氣喘的時候都曾經閃出了一個念頭, 如果我沒有參加, 現在我可能在家午睡又或者看電視了, 但好快又同自己講一定要克服這個挑戰, 唔可以被隋性克服, 好快又專心繼續上山了, 知道只要集中望著眼前要走的路, 一步一步便會走到終點... 我想這個活動的吸引之處在於每屆的地點難度都不同, 都會有新的挑戰, 而且兩日亦存在很多變數, 需要隨機應變, 除了要照顧自己也要和隊友配合, 加上我又喜歡郊外大自然, 想踏遍香港每一片郊野地(有點妄想:p), 還有最重要的是這個比賽有一定的難度, 對體能及各種山藝技巧的要求頗高, 可說是對我的一個挑戰, 成功挑戰後的滿足感和得到的自信是不能言諭的... 還有, 當然是趁還年輕時把握機會, 可能將來想參加也有心無力呢! 有興趣既可以下年一齊玩呀~
http://www.raleigh.org.hk/rimm
唔知下年會玩大嶼山未呢... |
